Ko Deryck Black ရေးပေးထားတဲ့ MSX Unicode Converter က Microsoft word, excel, powerpoint ဖိုင်တွေကို ဇော်ဂျီ font ကနေ unicode ပြောင်းပေးမယ့် အခမဲ့ windows application တစ်ခုဖြစ်ပါတယ်။ Rabbit Converter ကို အသုံးပြုထားပြီး Python နဲ့ရေးသားထားပါတယ်။ bulk စနစ်ဖြင့် folder လိုက် လွယ်လွယ်ကူကူပြောင်းပေးနိုင်အောင် လုပ်ပေးထားပါတယ်။ လက်ရှိမှာ .docx, .xlsx, .pptx ဖိုင်တွေကို ပြောင်းပေးနိုင်ပါတယ်။
အခု Version 2.0 မှာ Update လုပ်ပေးထားတာတွေကတော့
- (notepad) .txt , (subtitle) .srt supported ဖြစ်သွားပါပြီ .docx, .xlsx, .pptx တွေကိုသာမက .txt နဲ့ .srt ဖိုင်တွေကိုပါ ပြောင်းပေးနိုင်ပါတယ်။
- anti-virus မှာ false positive ပြနေတာကို ပြင်ထားပါတယ်။
- စာကြောင်းတွေမှာ font တွေကွာနေတာ မမှန်တာတွေ ပြင်ထားပါတယ်။
- UI အတွက် clear logs button ထပ်ထည့်ထားပါတယ်။
- convert လုပ်ပြီးပေမယ့် microsoft office မှာ fontface ပြန်ချိန်းမှ အမှန်မြင်ရတာအတွက် တစ်ခါတည်း မြင်ရအောင် ပြင်ထားပါတယ်။
- export location အတွက် C:/MSX_OUTPUT ကို default အနေနဲ့ထားပေးထားပါတယ်။ (ကိုယ်စိတ်ကြိုက်နေရာလဲ ရွေးပေးလို့ရပါတယ်)
- convert လုပ်ပြီးတာနဲ့ output folder ကို ပြပေးအောင် လုပ်ထားပါတယ်။
MSX Unicode Converter ကိုသုံးဖို့ လိုအပ်ချက်အနေနဲ့ windows 7 sp1 နှင့်အထက်၊ C++ Redist Package သွင်းထားဖို့လိုပြီး၊ မရှိသေးပါက အောက်မှာပေးထားတဲ့ link ကနေ သွင်းယူလို့ရပါတယ်။
VISUAL C++ REDISTRIBUTABLE PACKAGES
အသုံးပြုနည်း
အသုံးပြုနည်းကတော့ အတော်လေးကလွယ်ပါတယ်
၁။ ကိုယ်ပြောင်းချင်တဲ့ ဖိုင်လ်တွေကို folder တစ်ခုထဲမှာထည့်ပါ ပုံမှာ အနီဝိုင်းပြထားတဲ့နေရာက ခလုပ်ကိုနှိပ်ပြီး ပြောင်းမယ့်ဖိုင်တွေထည့်ထားတဲ့ folder ကိုရွေးပေးပါ
၂။ ယူနီကုဒ်ပြောင်းပြီးသား ဖိုင်လ်တွေကို ကိုယ့်စိတ်ကြိုက်နေရာမှာသိမ်းချင်ရင် ပုံမှာအပြာဝိုင်းထားတဲ့နေရာမှာနှိပ်ပြီး နေရာနဲ့ folder ကို ရွေးပေးပါ ဒီနေရာမှာ ဘာမ ရွေးမပေးလဲရပါတယ် ရွေးမပေးခဲ့ရင်တော့ Drive C အောက်မှာ MSX_OUTPUT ဆိုတဲ့ folder အောက်မှာ ပြောင်းပြီးသားဖိုင်လ်တွေကို အလိုလိုသိမ်းပေးသွားမှာပါ
၃။ အပေါ်က အဆင့်တွေပြီးရင် ပုံမှာအစိမ်းရောင်ဝိုင်းပြထားတဲ့ Convert ခလုပ်လေးနှိပ်ပြီး ခဏစောင့်ပါ ဖိုင်လ်တွေအကုန်ပြောင်းပြီးတာနဲ့ပြောင်းပြီးကြောင်း အသိပေးစာတက်လာပြီး ပြောင်းပြီးသားဖိုင်လ်တွေကို သိမ်းတဲ့ folder လဲပွင့်လာပါလိမ့်မယ်